Kryetari i PD-së, Sali Berisha u shpreh këtë të Shtunë se nëse aksioni i mbrojtjes së votës nuk shkon deri në fund, atëherë do të shkohet drejt asaj që ai e cilëson legjitim i farsës elektorale.
“Ajo që mund t’u them është se vazhdon përpjekja jonë për identifikimin e farsës elektorale të majit 2023 në çdo segment dhe qelizë të saj”, tha Berisha në një komunikim me ndjekësit në rrjetet sociale.
“Në një proces të cilin unë e konsideroj si mbrojtje të votës, dhe në të vërtetë në rast se ne nuk përmbushim këtë detyrim, de facto ne legjitimojmë farsën më të shëmtuar elektorale në historinë e vendit. Ndaj po punojmë me intensitet çdo ditë për realizimin e këtij objektivi, sikundër do kalojmë në analizë të plotë të të gjithë problematikës që u konstatua gjatë zgjedhjeve nga PD dhe në PD”, shtoi ai.
Kryedemokrati u ndal dhe te zgjedhjet parlamentare. Ai tha se Basha nuk mbrojti votat se mendonte të bënte koalicion me Ramën, prandaj sipas tij, erdhëm te kjo farsë e tmerrshme sot.
Ai theksoi se kauza e opozitjës do triumfojë.
