Dy persona janë konfliktuar me njëri-tjetrin rreth orës 12:00 në lokalin “Bar Kristi” në lagjen “30 Vjetori” në Berat.
Më pas, ata kanë dalë jashtë dhe 55-vjeçari ka nxjerrë armën dhe ka qëlluar disa herë në ajër, duke shkaktuar panik tek banorët e lagjes.
55-vjeçari Ilir Mamurani dhe 25-vjeçari Emiljano Zoga, të cilët u konfliktuan me njëri-tjetrin, u larguan nga vendngjarja.
Në vendin e ngjarjen kanë mbërritur forca të shumta policie, që po kryejnë këqyrjen e zonës, ku edhe po kërkohen gëzhojat. Po kështu, policia është duke pyetur edhe dëshmitarë në vendngjarje, për të kuptuar dinamikën e ngjarjes dhe shkaqet e saj.
Paraprakisht dyshohet se shkak për konfliktin është bërë parkimi i mjeteve.
