Kandidati i “Bashkë Fitojmë” për Bashkinë Kuçovë, Lefter Maliqi deklaroi sot se kanë fituar betejën e parë në Kolegjin Zgjedhor kundër KAS për krimin elektoral të ndodhur në Kuçovë pas publikimit audiopërgjimeve.
Maliqi thotë se Oligarku Pëllumb Hajdari nuk arriti dot të korruptonte Kolegjin siç ka korruptuar institucionet e tjera dhe shton se e drejta do të fitojë.
“Drejtesia funksionoi! Sot fituam ‘Betejën e Parë’, në Kolegjin Zgjedhor, kundër KAS pranë KQZ me votë unanime! Mirënjohje Trupit Gjykues të Kolegjit Zgjedhot të përbërë nga 5 gjyqtarë profesionistë dhe te paanshëm! Mirënjohjr dhe Avokatëve në kembënguljen dhe mbrojtjen e tyre! Beteja ligjore vazhdon deri në kthimin e Bashkisë Kuçovë banorëve. Oligarku Pëllumb Hajdari nuk arriti dot të korruptonte Kolegjin siç ka korruptuar institucionet e tjera. E drejta do të fitojë! S’ka kthim pas! Kuçova patjetër “Kantier Ndërtimi” shumë shpejt!”- shkruan Maliqi në një postim në Facebook.
