Ish-kryebashkiaku i Durrësit, Vangjush Dako është arrestuar për shpërdorim detyre këtë të Martë.
Dako akuzohet nga SPAK për një objekt që ka ndërtuar disa kate pa leje, të legalizuara me procedura që dyshohen jo të rregullta. Objekti më pas pësoi dëmtime të konsiderueshme nga tërmeti i 26 nëntorit 2019. Për çështjen ka pasur një kallëzim më herët nga banorët e këtij pallati.
Rasti i dytë, lidhet me një procedurë tenderimi. Kallëzimi për parregullsi në këtë tender është bërë nga deputeti demokrat Ferdinand Xhaferaj në 2021 pas një auditimi nga Kontrolli i Lartë i Shtetit, që ka përllogaritur se në këtë rast, shtetit i është shkaktuar një dëmin prej 180 milionë lekësh të vjetra.
Avokati i Dakos Petrit Ismaili tha për mediat se arrestimi u bë nën trysni.
Më vonë, një deklaratë për një emision televiziv, avokati deklaroi se akuza për rastin e parë (atë të pallatit) është në kufijtë e parashkrimit.
Sipas tij, leja e ndërtimit ku sipas akuzës ka shkelje është dhënë në vitin 2011.
“Do të mbajmë qëndrim për këtë në gjykatë”, tha ai në emisionin “Opinion”.
