Deputeti demokrat Flamur Noka tha nga foltorja e Kuvendit se zgjedhjet e 14 majit ishin një farsë dhe se u manipuluan e u vodhën nga PS.
Noka shprehet se të gjitha provat që kanë do t’i dërgojnë në prokurori dhe shtoi se përgjigjen që do t’i japin qeverisë do të jetë ashtu siç “i jepet një bande”. Noka tha se hapi i parë do të jenë protestat.
“Ne do t’ia dërgojmë prokurorisë këto prova. Këto nuk mund t’i njohë më askush si zgjedhje. Ishin farsë. Ja ku i kemi sovjetët këtu pas, përdorën para dhe shtetin si bandë, por përgjigjja do t’i vijë siç i jepet një bande, protestat do të jenë hapi i parë dhe pastaj do prisni hapa të tjerë”, tha ai.
