Deputeti Lulzim Basha, ishte sot në Berat ku ashtu si Rama edhe ai ka nisur një tur takimesh, kryesisht me të rinjtë.
Nga Berati Basha e quajti 14 majin një disfatë për demokracinë, ndërkohë është i bindur se duhet ndryshim dhe për këtë thotë s ekoha nuk pret.
“Kur e nisa këtë tur takimesh shkaku, brenga e parë ishte ajo që ndodhi më 14 Maji. Nuk ishte e papritur. Por dimensioni i asaj që ndodhi goditi rëndë demokratët dhe qytetarët. Sepse ajo është një brengë, një lëndim që në qytete që ka patur projekte dhe ëndrra për ndryshim, ajo nuk ndodhi. 14 Maji është arrest kardiak për demokracinë. Problemet e zgjedhjeve, shitblerjet e votës por edhe sepse munguan alternativat, ofertat.
Qytetarët hynë në një proces me kokën ulur. 87 në 100 votues për herë të parë nuk morën pjesë në votime, në farsën e demokracisë, të shoqëruar me dajre dhe lodra. Ndryshe nga Big Brother i prodhuar nga patenta të ndërkombëtare, ndërsa big brother i Shqipërisë u braktis, fatkeqësia e Shqipërisë. 14 maji, numri më i madh i atyre që folën me bojkot janë të rinjtë. Dhe ky është një mesazh i qartë që ju keni dhënë. Divorci i politikës me qyterarët, me të vërtetën. Do ta lem politikën të rrjedhë si lumi i Osumit, e të marrë përpara gjithçka përfshirë shpresat dhe dëshirat apo do ti vemë digë dhe ta bëjmë qe ky ujë të punojë për njerëzit, të ndihmojë dhe jo pengojë jetët, të bëhet burim për shpresa. Duhet të jemi reflektues. Nuk ka ma kohë”, tha Basha.
