Kryetari i Partisë Demokratike, Sali Berisha ka reaguar, lidhur me ngjarjen e denoncuar dy ditë më parë, në Lushnje, ku një të sëmuri 40-vjeçar i kishin hequr KEMP-in.
Në rastin e denoncuar nga Piranjat, thuhej se 40-vjeçari, ishte me epilepsi dhe me zhvillim të ngadaltë mendor, që pason me humbje të vetëdijes, por kaq nuk ka mjaftuar që shteti ta mbajë në listën e personavee me aftësi të kufizuara, duke i hequr kështu KEMP-in.
Institucionet përgjegjëse janë shprehur se ky shtetas nuk e meriton KEMP-in, pasi ai është në gjendje të qëndrojë në këmbë.
Lidhur me ngjarjen Berisha shprehet se kjo është një pashpirtësi, dhe një dramë e thellë për familjen.
Reagimi i kreut të PD-së, Sali Berisha:
Pashpirtësi!
Në 2021-shin, shteti i pashpirt i Ramës i heq paketën higjeno-sanitare të kempit këtij të sëmuri rëndë, vetëm sepse ai qëndron në këmbë.
Ky përfundim i fundit i mjekut ka hedhur poshtë vendimin e komisionit të para shumë viteve se Bledi përfitonte kemp të përjetshëm.
Rrëfimi i nënës së tij është një dramë e dhimbje e pafund.
Ndiqni videon deri në fund për të kuptuar absurdin, çnjerëzoren dhe kriminelen e shëndetësisë së Ramës, që u heq ndihmën financiare më të pamundurve, për t’i përdorur ato për buxhetin e vjedhur e të boshatisur. #sb
