Një person i panjohur u zhvesh në shenjë proteste kundër luftës në Ukrainë në Bazilikën e Shën Pjetrit – katedralja qendrore e Vatikanit. Sipas mediave italiane, ai u ngjit në altarin kryesor të kishës, duke thënë se po vuante për shkak të fëmijëve që vdesin nën bombat ruse.
“Skena është filmuar nga vizitorët e tempullit me telefona celularë. Pamjet u përhapën shpejt në rrjetet sociale. Të pranishmit bashkë me xhandarët kanë ndërhyrë menjëherë. Burri u detyrua të vishej. Ai është dërguar në xhandarmëri për marrjen në pyetje dhe po punohet për identifikimin e tij,”-thuhet në njoftimin zyrtar.
Para se të zhvishej, ai tha se ishte i shqetësuar për fëmijët ukrainas që po vdisnin nga bombat ruse.
