Është mbyllur në barazim pa gola pjesa e parë e finales së Kupës së Shqipwrisë, mes Tiranës dhe Egnatias.
Bardheblutë e Orges Shehit e nisën takimin mjaft mirë duke rrezikuar në minutën e 14-të.
Ardit Hila në një pozicion mjaft të favorshëm, i gjendur përballë portierit Sherri godet por nuk gjen katërkëndorin me topin që prek pjesën e jashtme të shtyllës e shkon në fundore.
8-të minuta më vonë, kryeqytetasit ngacmojnë sërish portën e rrogazhinazve këtë herë me anë të Elvi Berishës.
Pas një harkimi në zonë nga e majta, Berisha gjuan drejt portës por gjen përgjigjen e Sherrit në pozicion.
Ndërkohë episodi më i rëndësishëm i fraksionit të parë të lojës vjen në minutën e 24-t, teksa sulmuesi anësor i bardhebluve, Berisha lë fushën e lojës pas një ndërhyrje të rëndë ndaj Jackson.
Pas zhvillimit të një goditje dënimi, Berisha ndërhyn ndaj brazilianit dhe për Jorgjin nuk ka dyshime, duke nxjerrë nga loja sulmuesin e bardhebluve.
As VAR-i nuk i ndryshon situatën sulmuesit që lë i dëshpëruar fushën.
