Dy persona janë arrestuar lidhur me vendosjen e një sasie lënde plasëse në një fasoneri në zonën e Freskut në Tiranë, që shpërtheu mbrëmjen e 25 Majit duke shkaktuar dëme materiale.
Sipas hetimeve, tritolin në rrobaqepësinë e italianit e ka vendosur një 16-vjeçar i cili është paguar 1 milion lekë për këtë gjë nga Edmond Arapi, 46 vjeç. Të dy janë vënë në pranga.
“Nga veprimet hetimore dhe provat e siguruara dyshohet se 46-vjeçari e ka shtytur 16-vjeçarin, duke i ofruar shumë 100 000 lekë të rinj, për të vendosur sasisë e lëndës plasëse në fasonerinë në pronësi të shtetasit R.G.”, thuhet në një njoftim të policisë për rasin.
Në cilësinë e provës materiale u sekuestruan një biçikletë e përdorur nga 16-vjeçari, e dyshuar e vjedhur më parë, veshjet që ai ka përdorur gjatë vendosjes së eksplozivit, si dhe një mekanizëm shkrehës arme, e cila u gjet gjatë kontrollit të banesës së Arapit.
Lexo edhe:
Gjoba 100 mijë € u bë shkak për vendosjen e tritolit në fasonerinë e italianit në Fresk
