Gjykata e Tiranës ka shpallur të pafajshëm Fatjon Muratajn ndërsa ka dënuar me 7 vite e 6 muaj, Kristjan Gjini, ku nga gjykimi i shkurtuar i zbret në 5 vite, lidhur me bazën e armëve të zbuluara në një vilë në periferi të Tiranës. Ndërkohë F.GJ. u dënua me 90 ditë punë në shërbim të publikut.
Prokuroria e Tiranës kishte 12 vite burg për Kristumian Gjinin, ndërsa 3 vite për Muratin, i cili rezulton të jetë edhe pronari i lokalit në “Don Bosko” që u qëllua me breshëri automatike në Mars, ku u vra banakierja dhe u plagosën gjashtë të tjerë, mes të cilëve një e mitur. Ngjarja ndodhi në kohën kur Murataj do duhej të ishte në arrest shtëpie, për armët e zbuluara teksa pas atentatit, por policia nuk e gjeti në banesë.
Murataj akuzohej nga prokuroria për “mbajtja pa leje dhe prodhimi i armëve, armëve shpërthyese dhe municionit” në banesë.
Ishte pikërisht një gjurmë gishti në një valixhe që u gjet në banesën e Kristian Gjinit, prova që çoi në arrestimin e Fatjon Muratit disa muaj më parë. Më pas, ai u lirua nga gjykata e Tiranës që caktoi ndaj tij masën e arrestit shtëpiak, duke argumentuar se prokuroria s’kishte arritur të gjente asnjë provë tjetër që ta implikonte, veç gjurmës së gishtit.
Tashmë, ai ka marrë pafajësi nga gjykata për këtë çështje.
Fatjon Murataj u shpall në kërkim pas atentatit në Don Bosko, për thyerje të masës së sigurisë “arrest shtëpie” për çështjen e armëve.
Lexo edhe:
Masakra në Tiranë/ Argumentet e Gjykatës: Ja pse u lirua nga qelia Fatjon Murati
