Apartamenti i Mihrije Brahas dhe Naim Abazit në Prishtinë është përfshirë nga flakët.
Lajmin e ka konfirmuar për Gazetën Express këngëtari Naim Abazi, duke treguar se në momentin e shpërthimit të flakëve në shtëpi ndodheshin djali i tyre Platori dhe partnerja e tij, Tringa.
Çifti i ri nuk ka pësuar ndonjë dëm ndërsa më ndërhyrjen e zjarrfikësve dhe policëve zjarri është shuar.
“Po është djegë po kemi kemi shpëtu mirë, njerëzit janë mirë”, tha Abazi.
I pyetur se cili ka mundur të jetë shkaku i shpërthimit të zjarrit, ai u përgjigj “si duket energjia elektrike”.
Abazi nuk dha detaje nëse bëhet fjalë për dëme të mëdha materiale.
