Gjykata e Posaçme për Korrupsionin dhe Krimin e Organizuar (GJKKO), ka pushuar padinë e ish-kreut të Partisë Demokratike, Lulzim Basha ndaj kryebashkiakut të Tiranës, Erion Veliajt.
Togat e zeza vendosën që të pushojnë padinë për shpifje për shkak se në seancë nuk janë paraqitur as Basha dhe as avokatët e tij.
Padia ka qenë për deklaratat që Veliaj ka bërë gjatë fushatës së kaluar në drejtim të Bashës, në lidhje me pasurinë e tij si dhe prona dhe apartamente.
“PD kërkon dënimin e Veliajt për shpifjet e përsëritura kundër Lulzim Bashës”, thuhej në dokumentin e paraqitur tetor 2020, periudhë kur Basha ishte kreu i kësaj force politike.
Padia konsideronte si shpifje të Erion Veliajt akuzat se:
1. Kryetari i PD u bë me 4 shtëpi gjatë tërmetit dhe pandemisë.
2. Kryetari i PD ka përfituar gjatë periudhës së fatkeqësisë.
3. Kryetari i PD ka ndërtuar kate pa leje”.
