Gazment Bardhi i “vetëzgjedhur” si kryetar i grupit parlamentar të PD-së së “vulës” me sa duket kjo ka shkaktuar sërish konflikt brenda opozitës.
Gjatë nisjes së seancës së sotme plenare në Kuvend, Tritan Shehu e kundërshtuar këtë vendim ku dhe është shprehur se kjo është shkelje e madhe e demokracisë.
“E kuptoni se ku po çojnë këto veprime?! Turpi i botës, kështu ju bashkëpunoni me ata që shkelin rregulloren, nuk ka shkelje më të madhe demokracie se kjo. Rregullorja është rregullore. Është qesharake kjo”, tha Shehu.
Pas dorëheqjes së Enkelejd Alibeaj nga pozicioni i Nënkryetarit që ushtron detyrën e Kryetarit të Grupit Parlamentar, një grup deputetësh kanë thirrur një mbledhje urgjente të grupit për të plotësuar vakancën e krijuar. Zyrtarisht mësohet se Grupi Parlamentar i Partisë Demokratike është mbledhur dhe ka propozuar zgjedhjen e deputetit Gazment Bardhi si Kryetar të Grupit Parlamentar të Partisë Demokratike dhe nisjen e procedurës së njoftimit të Kuvendit mbi emërimin e Kryetarit të ri të Grupit, pas dorëheqjes së Enkelejd Alibeajt.
Grupi Parlamentar i Partisë Demokratike regjistron 33 anëtarë, nga të cilët kanë votuar pro të gjithë deputetët e pranishëm dhe asnjë kundër.
