30-vjeçarja Milena Deraj është vënë në pranga nga policia e Tiranës pasi iu ka marrë shuma të mëdha parash, 3 shtetasve (familjarë), duke i mashtruar se do t’i ndihmonte në një proces gjyqësor.
Deraj u ka marrë të treve shumën prej 340 mijë eurove me pretendimin se do t’i ndihmonte në procesin gjyqësor dhe do të ndërhynte për të ulur pozitat e tyre.
Milena Deraj, rezulton me lidhje në Qeveri. Raportohet se 30-vjeçarja punonte në Kuvendin e Shqipërisë, saktësisht këshilltarja e deputetes socialiste Blerina Gjylameti.
Fotot e shkrepura në çdo cep të Kuvendit e tregojnë qartë sesa me pasion e ka bërë 30-vjeçarja punën e saj në Kuvend (edhe jashtë saj, duke mashtruar).
Ekonomistja, ish-punonjësja në Bankës e Shqipërisë e njëkohësisht edhe këshilltarja e Gjylametit arriti të mashtronte Hasan Verracaku, Abedin Verracaku, Shyqyri Verracaku, me pretendimin se do t’u zgjidhte çështjen e masakrës së Velipojës.
Me premtimin se do i ndihmonte në gjyq, Deraj u ka marrë të treve shumën prej 340 mijë eurove me pretendimin se do t’i ndihmonte në gjyq dhe do të ndërhynte për të ulur pozitatat e tyre. Si ish-punonjëse e Bankës së Shqipërisë ajo ka mashtruar një shoqe të sajën, së cilës i ka marrë shumën prej 230 mijë euro në këmbim të bonove të thesarit. Kur shoqja e saj e ka kuptuar se ishte mashtruar dhe nuk po merrte bonot në këmbim të parave është paraqitur në polici për të denoncuar rastin.
Mashtrimet e Derajt duket se nuk morën fund vetëm me një person, por vijoi derisa zhvati edhe shoqen saj. Sigurisht, që Deraj u mbështet edhe tek lidhjet e forta politike që kishte.
