Kryeministri Edi Rama u ndal këtë të mërkurë në Kukës, nga ku njohu meritat e patronazhistëve për rezultatin e arritur në bashkitë e këtij qarku.
“Organizimi jonë ka qenë shumë i mirë, kemi arritur objektivat, kanë punuar shumë mirë patronazhistët e aktivistët”, tha Rama.
Më tej, ai falenderoi edhe drejtuesin e PS-së për qarkun për lokalet e 14 majit, Pandeli Majkon.
“Janë bashkuar të gjithë forcat në këtë bashkim. Një rol të të në këtë rezultat ka pasur dhe Pandi e do ia kujtoj që kur unë i kam thënë do të shkosh në Kukës më pa sikur po e çoj në internim. Nuk foli e në darkë më çoi mesazh seriozisht e ke ti? Isha i bindur 100% që do të krijonte një sinergji dhe atmosferë pozitive. Po sillet si kalë karroce thotë kali jam karrocën e kame e ngarkoje ti. Pand shumë faleminderit për punën. Një rol në këtë mes ka luajtur edhe një lëvizje që ka ndodhur djathtas, për shkak të lidhjes së kahershëm të regjimit e kanë të pamundur të votojnë majtas, por një pjesë e tyre kanë menduar s’do do të jetë më mirë për bashkinë e komunitetin, e kanë parë shumë qartë që drejtimi është për ta kaluar votën majtas. Nuk ka qenë forte e vështirë as në Shkodër, Kukës Tropojë e Kamëz, pasi kandidatët kanë qenë lehtë demokratë dhe ka fituar logjika”, shtoi Rama.
