Një aksident me vdekje ka ndodhur mbrëmjen e kësaj të Hëne në Baldushk.
Blutë bëjnë me dije se një 17 vjeçar, duke drejtuar automjetin tip “Benz”, ka humbur kontrollin, ka dalë nga rruga dhe është përplasur me bordurën anësore.
Si pasojë e aksidentit i mituri ka ndërruar jetë.
“Më datë 22.05.2023, rreth orës 22:30, në Baldushk, shtetasi Sh. V., 17 vjeç, duke drejtuar automjetin tip “Benz”, dyshohet se ka humbur kontrollin mbi drejtimin e tij dhe automjeti ka dalë nga rruga dhe është përplasur me bordurën anësore.
Si pasojë e aksidentit drejtuesi i automjetit, shtetasi Sh. V., ka ndërruar jetë“,– njofton policia.
Grupi hetimor po punon për sqarimin e rrethanave të aksidentit
