Java e 34-të e Superligës dhuroi emocione të mëdha, teksa skuadrat e kryeqytetit vazhdojnë garën në distancë për titullin kampion.
Tirana triumfoi 1-3 ndaj Laçit, në sfidën e luajtur në Kurbin.
Sfida u zhbllokua pas 17 minutash lojë, falë një goditje të bukur me të majtën të Hasanit. Skuadra e drejtuar nga Orges Shehi siguroi 3-pikët në minutën e 65-të, pasi Hila dyfishoi shifrat dhe po i njëjti futbollist “tundi rrjetën” sërish pas 5 minutash.
Kurbinasit u përpoqën të reagonin, por mjaft vonë, pasi goli i erdhi në shtesë.
Partizani tregon karakter në kryeqytet dhe bën detyrën ndaj Vllaznisë duke e mundur 2-1.
Të kuqtë kaluan në avantazh në minutën e 25-të, me Rrapajn që u tregua i saktë para portës. Brenda fraksionit të parë, djemtë e Colellas shënuan sërish, këtë herë me Sotën, i cili nuk fal me kokë.
Shkodranët zgjohen në fillimin e pjesës së dytë dhe shkurtojnë diferencat me anë të Bekim Balaj.
Ndërkohë në sfidat e tjera, Teuta ka mposhtur me rezultatin e ngushtë 1-0 Kastriotin në Durrës. Goli i vetëm i takimit erdhi nga Beqja në minutëne 3-të. Me këtë rezultat, durrsakët janë në vendin e pestë me 45 pikë, ndërsa krutanët mbyllin klasifikimin me 35 pikë.
Bylis dhe Kukësi kanë barazuar 1-1. Zguro u duk se ishte heroi i ballshiotëve me golin e tij në shtesë, por në limite Taipi i dha një pikë verilindorëve. Skuadra e Naxhi Shensoit është në vendin e tetë me 37 pikë, ndërsa kuksianët janë një pozicion më mirë me 41 pikë.
Egnatia tregon se është një skuadër e denjë për Europë. Skuadra nga Rrogozhina ia doli të thyejë Erzenin me shifrat 3-2. Dopieta e Dëamena dhe goli i Mustës neutralizuan ata të Ademit dhe Kapllanit. Egnatia është në vendin e 3-të me 52 pikë, ndërsa shijakasit e shohin veten të parafundit me 39 pikë.
Tirana kryeson kampionatin me 63 pikë, 2 më shumë se Partizani. Laçi gjendet në vendin e gjashtë me 44 pikë.
Rezultatet e ndeshjeve të ditës së sotme:
Klasifikimi:
