Sekretari i Përgjithshëm i Ministrisë së Jashtme greke, Theoharis Lalakos ka mbërritur ditën e sotme në paraburgimin ku po mbahet kandidati fitues i koalicionit “Bashkë Fitojmë” për Bashkinë e Himarës, Fredi Beleri. Takimi ka zgjatur rreth 40 minuta.
Ai e ka quajtur të papranueshëm arrestimin e Belerit, nën akuzën për blerje votash.
Kujtojmë se kjo është vizita e dytë brenda pak ditësh në qeli për Fredi Belerin. Dje, Lalakos shoqëronte në takim në drejtorinë Policisë së Vlorës, ambasadoren greke më Shqipëri Konstantina Kamitsi, e cila takoi dje Belerin.
