Në “Air Albania” luhet ndeshja derbi mes Tiranës dhe Partizanit, aty ku dy skuadrat janë në garë për titullin kampion.
Pas disa rasteve të krijuara, pretendime kishin bardheblutë për një episod në minutën e 43 të takimit. Rimal Haxhiu depërton në zonë nga e djathta dhe provon një krosim, por topi preket me dorë nga Bruno Telushi.
Për gjyqtarin Kreshnik Cjapi, gjithçka ka qenë e rregullt pasi nga dhoma VAR, Florjan Lata i ka konfirmuar se nuk është penallti. Cjapi ka sqaruar edhe futbollistët për këtë rast, duke iu thënë se Telushi e kishte dorën mbrapa dhe për këtë arsye, nuk mund të akordohet.
