Një krim brenda familjes ka tronditur Elbasanin, mesditën e kësaj të mërkure.
Ngjarja ka ndodhur rreth orës 13:00, në fshatin Kusarth, ku shtetasi Refik Tashi ka goditur me sëpatë motrën e bashkëshortes së tij, shtetasen Alma Qevani 44 vjeçe.
Si pasojë e plagëve të marra, 44-vjeçarja humbi jetën në spital.
Autori është arrestuar gjatë kontrollit në territor, në fshatin Bradashesh, për kapjen e autorit të plagosjes së 55-vjecarit, në Peqin.
Sipas informacioneve zyrtare, autori është parë në rrugë me një sopatë në dorë dhe me duart me gjak, i cili po ecte me vrap.
Njoftimi i policisë:
Elbasan
Goditi me sëpatë kunatën e tij, falë veprimeve të shpejta nga Policia, kapet dhe shoqërohet autori i dyshuar.
Si pasojë e plagëve të marra, 44-vjeçarja humbi jetën në spital.
Shërbimet e Komisariatit të Policisë Elbasan, gjatë kontrollit në territor, në fshatin Bradashesh, për kapjen e autorit të plagosjes së 55-vjecarit, në Peqin, kanë konstatuar një shtetas, me një sopatë në dorë dhe me duart me gjak, i cili po ecte me vrap.
Shërbimet e Policisë janë vënë vënë në djekje dhe kanë bërë kapjen e shtetasit R. T., 58 vjeç, banues në fshatin Shirgjan, Elbasan dhe kanë shoqëruar atë në Komisariat.
Nga veprimet e para hetimore dyshohet se ky shtetas, rreth orës 13:00, në fshatin Kusarth, në rrugë, ka goditur me sëpatë motrën e bashkëshortes së tij, shtetasen A. Q., 44 vjeçe, banuese në Kusarth, e cila është dërguar në spital, ku si pasojë e plagëve të marra ka humbur jetën.
Sëpata është sekuestruar në cilësinë e provës materiale.
Grupi hetimor, në drejtimin e Prokurorisë, po punon për zbardhjen e rrethanave të ngjarjes.
