Pas fitores së thellë për një mandat të tretë në krye të bashkisë Tiranë, Erion Veliaj tha për “Top Channel” se ishte i kënaqur nga diferenca e madhe e votave.
Për kandidatin e “Bashkë Fitojmë”, Belind Këlliçi, kryebashkiaku shprehet se ishte kandidat më i fortë se sa mund të ishte Ilir Meta apo Sali Berisha.
“Në kushtet ku ishte ajo parti, ai ishte kandidati më i mirë i mundshëm”.
Për Arlind Qorin, që rezultoi kandidati i tretë më i votuar, Veliaj thotë se e priste një rezultat të tillë.
“E prisja, sepse kisha një betejë të ngjashme me Bojaxhiun në vitin 2015”.
Veliaj komenton më tej ideologjinë që ndjekin këta dy kandidatë. Sipas tij, edhe Këlliçi, kandidat i një force të djathtë, ka prezantuar para qytetarëve një ideologji të majtë.
“Por, nëse ai anonte djathtas, Qori anon majtas. Belindi kishte prirje marksiste, por nuk e pranon. Qori të paktën e pranon”.
Kryebashkiaku Erion Veliaj tha se ky është mandati i tij i fundit në bashkinë Tiranë.
Veliaj: Ky është mandati im i fundit në bashkinë Tiranë.
A do të lësh shenjë këtë mandat?
Veliaj: Bashkia e re do të jetë tek Bulevardi i ri. Vendim i gjykatës për kopshtin botanik, shkollat i kemi në proces, do të marrim një vendim për vendosjen dizajnin e Gjykatës së Lartë, kemi dy grupe finaliste.
Veliaj: Në këtë fazë që jemi sot kanë rënë nga vija e kuqe, kreditohet fuqishëm ndërkombëtarisht, më e lakmuar, sepse ka fuqi paguese. Në dijeninë time, Edi Rama, Basha 40-50 milionë, kurse ju e keni 6 fish më shumë. A është 6 herë më e administruar?
Veliaj: Sigurisht.
Rakipllari: Po bëj krahasimin me Ramën.
Veliaj: Ti do bësh rrugë dhe për atë që është në Kërrabë. 10 fishuam taksën për ndërtuesin. Unë s’po them që shijon taksa, ka hequr spekulantë nga tregu. Ai ishte një treg bizare, çdo lloj zdromsi që s’merrte vesh fare mjaft të kishte lIdhje me një kryebashkiak hapte gropë, 100 mijë leja, bëmë 10 fishim të shumës, ai nuk e bën më me lek xhepi, kur taksa shkon 10 fish, kur merr nga banka është banka që siguron, është formalizuar, ikën këta amatorë, ka vetëm ndërtues vërtet, vetëm ata që dinë të bëjnë.
