Është mbyllur në barazim pa gola pjesa e parë mes Interit dhe Milanit, takimi i kthimit mes skuadrave e vlefshme për fazën gjysmëfinale të Ligës së Kampioneve.
Interi e nisi duelin në sulm dhe i afrohet golit me Dzekon në minutën e 3-të por gjyqtari akordon faull në sulm, për ndërhyrje të gabuar të Barelës ndaj Tonalit.
Vetëm 2 minuta më pas, Teo Hernandez kundërpërgjigjet me një predhë nga distanca, por tentativa e francezit shkon ngjitur me traversën e Onanës.
Në minutat e para, Milan mbetet sërish kërcënues këtë herë me me Brahim Diaz, që provoi me një gjuajtje në afërsi të pikës së penalltisë, por fantastik Onana që i mohon golin kuqezinjve.
Në minutën e 38-të, Leao shkakton tërmet në mbrojtjen e Interit, portugezi futet bukur brenda zonës, provon të gjejë cepin e portës, por gjuajtja shkon jashtë kuadratit.
Ndërkohë vetëm 1 minutë më pas Dzeko kundërpërgjigjet. Boshnjaku godet bukur me kokë pas harkimit të Çalhanoglu, por i jashtëzakonshëm Menja në këto minuta, që tregon reflekset, duke i mohuar golin zikaltrve.
