Me 791 kuti të numëruara nga 941 në total për bashkinë e Tiranës, kreu i Lëvizja “BASHKË”, Arlind Qori renditetit i treti në garën për kryeqytetin, pas Erion Veliajt të PS dhe Belind Këlliçit të koalicionit opozitar “Bashkë Fitojmë”.
Deri më tani, Qori ka arritur të marrë 11544 vota ose 4.79 % dhe në një koment të fundit për këtë mbështetje nga banorët e Tiranës, ai është shprehur se po pret përfundimin e numërimit të votave për të mbajtur një qëndrim në lidhje me zgjedhjet e 14 majit.
Në një prononcim për Euronews, Qori tha se do të analizojë gjithçka kuti pas kutie.
“Po pres përfundimin e procesit, gjithçka mund të ndodhë. Nuk kam ndonjë koment për momentin. Do ta analizojmë kuti pas kutie dhe do dalim edhe me një qëndrim. E kam thënë që në fillim që do marrim nga 5-15 mijë vota, jemi aty midis kështu që nuk kam çfarë them më shumë”, – u shpreh Qori.
Në këtë garë, Lëvizja “BASHKË” edhe pse u krijua si formacion politik vetëm pak muaj para zgjedhjeve, ia ka dalë që të lërë pas krahëve edhe PD e Vulës, me kandidatin e tyre Roland Bejko, i cili deri më tani ka arritur të marrë 10316 vota, ose 4.28 %.
