Të dy kandidatët për zgjedhjet Presidenciale në Turqi, Recep Tayyip Erdogan dhe kundërshtari i tij Kemal Kilicdaroglu pretendojnë se kryesojnë në garën për të drejtuar vendin.
Kundërshtari i Presidentin turk Erdogan në një postim në Twitter, u shpreh se votat për të, kryesojnë krahasuar me ato të mbështetësve të presidentit aktual.
“Ne kryesojmë”, shkroi ai.
Blloku i Aleancës opozitare ka deklaruar se rezultatet paraprake tregojnë se Kemal Kilicdaroglu, i cili përfaqëson koalicionin e gjashtë partive opozitare, është përpara Presidentit Rexhep Tajip Erdogan.
Ndërkohë, Mansur Yavas, kryebashkiaku i Ankarasë dhe një kandidat për nënpresident i opozitës, tha se rezultatet e zgjedhjeve të parakohshme tregojnë se lideri i partisë opozitare Kilicdaroglu ka marrë 47.42% të votave, përballë 46.80% të Erdoganit me 91.913 nga 192.169 fletë të numëruara.
Nga ana tjetër Omer Celik, zëdhënës i AK Partisë së Erdoganit, thotë se pjesëmarrja në zgjedhjet e sotme ishte në nivele rekord.
“Presidenti Erdogan është përpara dhe të gjithë duhet ta respektojnë këtë”, tha ai.
Öndeyiz.
— Kemal Kılıçdaroğlu (@kilicdarogluk) May 14, 2023
