Analisti Armand Shkullaku, ka komentuar mbrëmjen e sotme procesin zgjedhor.
I ftuar në ‘Çim Peka LIVE’, Shkullaku është shprehur se, procesi i sotëm në Shqipëri është i turpshëm dhe i deformuar.
Ndërkohë lidhur me rezultatin për Bashkinë e Kamzës, Shkullaku e quan një komedi.
Shkullaku: ‘Procesi më i turpshëm dhe më i deformuar në gjithë historinë e pluralizmit në Shqipëri.
Pse e them këtë, e them sepse ky proces zgjedhor në 32 vite nuk ka ndodhur kurrë.
Ky nisi me përsjashtimi me urdhër politik të Edi Ramës, duke përdorur levat e partisë si gjykata apo institucionet zgjedhore, përjashtoi gjysmën e votuesve shqiptarë nga e drejta e përfaqësimit.
Nisi këtu dhe përfundoi me arrestimin e një kandidati për kryetar bashkie dy ditë para zgjedhjeve. Unë shpesh e kam thënë që ne këtu nuk kemi pasur ndonjëherë zgjedhje, por votime.
Ai mund ta caktonte sa të donte Kamzën, ti thua pse 10-20 mijë më shumë. Mund ta vinte dhe 30 mijë se një laps është ai. Nuk është çudi që mund ti marrë dhe 61 nëse i duhen, nëse nuk i duhen mund të lejë edhe ndonjë sa për të njohur pluralizmit.
Ku ka ndodhur ndonjëherë, por uk ka ndodhur që nga 1991 e deri më sot, që opozitës ti hiqet e drejta e vulës dhe logos në zgjedhje, ti hiqen komisionerët, të mos ketë numërues në gjysmën e Shqipërisë, ti hiqen financimet nga KQZ, ti hiqet koha televizive të futet në garë me një lider koalicioni që cakton vetë Edi Rama dhe jo atë që duan demokratët dhe ju thoni jo makineria, jo procesi.
Për mua Kamza është një komedi, që Rakip Suli rikuperon 20 mijë vota me drejtimin e shkëlqyer të Kamzës që afrohet aty, aty me Venecian dhe Romën’.
