Procesi i votimit nis me probleme teknike në shumë qendra, duke nxjerr në pah paaftësinë e Komisionit Qendror të Zgjedhjeve për të siguruar një proces normal.
Shumë qendra votimi në shumicën e qarqeve të vendit janë raportuar probleme me pajisjen elektronike. Pajisja në fjalë bën identifikimin e të votuesve në mënyrë elektrike.
Probleme u shfaqen edhe kur vetë kreu i KQZ-së shkoi të votonte. Probleme janë raportuar edhe në qendrën e votimit të Surrel, ku voton kryeministri i vendit Edi Rama.
Në kushtet kur pajisja nuk punon, sipas udhëzimit të KQZ-së, komisionerët duhet të ndërpresin votimin dhe të presin deri në 3 orë asistencë teknike nga KQZ deri në normalizimin e saj. Dhe në kushtet kur sërish nuk funksionon, atëherë procesverbalet do të mbahen normalisht.
Pra për plot tre orë, qytetarët privohen të ushtrojnë të drejtën e votës. Kjo mund të sjellë irritimin e tyre dhe largimin pa votuar për të mos u kthyer sërish.
Në prononcimet e dhënë për gazetarët në terren, shumë qytetarë kanë shprehur shqetësimin se afati tre orë është një kohë e gjatë dhe janë larguar, madje s’kanë konfirmuar nëse do të kthehen sërish për të ushtruar të drejtën e votës.
Një situatë skandaloze kjo që po ndodh me menaxhimin e procesit nga KQZ.
Shqetësimin e ka përcjellë dhe opozita. Deputeti i opozitës Tritan Shehu, në një reagim, shprehet:
“Po demtohet ne Memaliaj procesi i votimit! Edhe ne Dropull! Duke i “perzene” votuesit! Pajisjet teknike nuk funksionojne ne Levan, Kalivac, Maricaj dhe ne tre qendra ne Qytetet te Memaliajt. Si dhe ne Pogon, Catiste, Goranxi te Dropullit! Nuk ka asnje asistence teknike! Kerkohet te pritet tre ore, perpara se te ndryshoje menyra e identifikimit te votuesve. Kohe e mjaftueshme kjo per te “perzene” votuesit qe po presin! I bej thirje KQZ te vendose menjehere normalitetin ne votim! I bej thirje votuesve te nderuar: Te qendrojne per te votuar, te mos largohen pa votuar! Kjo eshte ne interesin e tyre, te Memaliajt, Dropullit, te te gjitheve e kudo”.
Lexo edhe:
Qytetarëve iu privua e drejta e votës, Celibashi vendos të procedohet manualisht
Skandali me pajisjet elektronike, Celibashi pranon dështimin
