Pajisjet PEI për të identifikimin biometrik shfaqën probleme në të gjithë Shqipërinë duke u bërë pengesë e rëndësishme për ecurinë e procesit të votimit.
KQZ ka njoftuar se në 531 qendra votimi ka probleme me pajisjen e identifikimit.
Lidhur me këtë, politologu Ilir Kalemaj, në një komunikim me MCN, se e vlerëson këtë si një skenar të dyshimtë për të mos votuar numër i madh i qytetarëve ose një paaftësi galoponte e KQZ.
Sipas tij, për këtë duhet kërkuar përgjegjësi jo vetëm ligjore.
“Kemi vende si Brazili, Egjipti, India, ku rezultati i votimeve del dhe numërimi i votave brenda 24 ore numërohet dhe del rezultati. Vijmë 32 vjet pas në Shqipëri, ora 8 thotë aty, dhe jo sepse nuk duan, por sepse nuk i lejojnë të votojnë. Flasim këtu te njësia 5, ose te shkolla “Petro Nini”, në mes të Blokut, ishte bllokuar votimi për 3 orë dhe në shumë qendra të tjera,. Pra, këtu ose është një skenar i dyshimtë për të mos lejuar njerëzit, sepse një pjesëmarrje sa më e lartë gjithmonë është në favor të opozitës dhe një pjesëmarrje e ulët në favore të mazhorancës. Ose këtu pastaj është çështje e një paaftësie galoponte dhe kur ka paaftësi natyrisht duhet të ketë edhe përgjegjësi të personave, ose pakujdesi, ta zbutësh pak. Por edhe kjo është përgjegjësi jo vetëm ligjore”, tha Kalemaj.
