Nga Boldnews.al
Në 532 qendra votimi në të gjithë vendin, pajisjet e identifikimit elektronik të zgjedhësve kanë qenë jashtë fundksionit. Kjo situatë ka shkaktuar kaos dhe dukshëm i është lënë mundësia e votimit të shumëfishtë edhe për persona që nuk janë prezentë.
Gati si “votim taleban” ndodh në qendrat e votimit ku anëtarët e komisionit përfaqësues të PD-së së vulës, të dyshes Alibeaj-Basha nuk kajanë paraqitur në detyrë. Ata janë zëvendësuar me nëpunës të administratës dhe tashmë gjithçka e kanë nën kontrollin e tyre mundësinë e tjetërsimit të votës. Një skemë e frikshme duke marrë në konsideratë numrin mjaft të lartë të pajisjeve elektronike të idetifikimit që dolën “jashtë përdorimit” me frymën e “shënjtë” që vjen nga pushteti i Rilindjes. Në këto qendra ka nisur votimi në mënyrë manuale ku ka dyshime të forta që po përshpejtohet votimi edhe për personat që nuk janë present, duke u marrë kartat e identitetit dhe rëgjistruar në mënyrë manuale.
I ndodhur para një situatë të tillë, kryekomisioneri zgjedhor Ilirian Celibashi në vend që të urdhëronte marrjen e masave për zëvendësimin e pasjisjeve ose të operatorëve që përdorin këto mjete, urdhëroi që të kalonin në “votim manual”. Po aq e rëndë është edhe nxitimi i Celibashit për të vënë në zbatim urdhrin që vjen nga lart dhe të mendosh se nga e mori urdhrin.
“Për fat të keq kjo ditë feste e demokracisë nisi me ngërçin absurd të krijuar nga KQZ, me bllokimin e votimit. E pabesueshme që KQZ mos të votonte pajisjet në shumë qendra votimit, por e pabesueshme është dhe hezitimi i pakuptueshëm i KQZ për të zgjidhur këtë ngërç të krijuar nga vetë ajo. Kjo solli largimin e shumë votuesve, KQZ duhet ti kërkojë ndjesë për këtë dështim të sajin në garantimin e procesit të zgjedhjeve. PS i bën thirrje që qytetarët të rikthehen për të votuar sërish”, tha Minisrja e Rinisë dhe fëmijëve, Bora Muzhaqi.
Gjithashtu pas kësaj situate shumë pranë qendrave të votimit është konstatuar numër i madh i punonëjsve të administratës shtetërore, veçanërisht i bashkive që duke përfituar edhe nga katrahura e mosfunksionimit të pajisjeve elektronike të identifikimit janë aty për të trembur zgjedhësit dhe shantazhuar qytetarët që mendohet se do votojnë për koalicionin “Bashkë Fitojmë”.
Presion dhe intimidimi i dukshëm nga drejtues të administratës dhe kandidatë për zgjedhjet lokale është vënë re masivisht në bashkitë Elbasan, Tiranë, Durrës, Kukës dhe Lezhë. Brenda oborreve të qendrave të votimit qëndrojnë me orë të tëra individë të administratës të mbështetur edhe nga elementë kriminal, duke shantazhuar qytetarët apo orientuar të tjerë që të votojnë kandidatët e Partisë Socialiste.
Nga ana tjetër Policia e Shtetit është treguar apatike duke mos ndërhyrë për largimin e tyre, pavarësisht se Kodi Zgjedhor e ka të parashikuar që nëse një nga anëtarët e komisionit, apo vëzhgues ngre pretendimin për prani të personave të paautorizuar në qendrat e votimit, korridore, oborre, apo dhjetë metra larg hyrjes kryesore duhet të ndëryhyjnë për ti larguar ose shoqëruar në komisariate. Deri më tani kjo nuk ka ndodhur dhe situate është mëse e rëndë, çka deri në mëzditë duket nga numri i ulët i zgjedhësve që kanë shkuar për votime.
