Ambasadorja amerikane në vendin tonë, Yuri Kim ka qenë gjatë paradites në jug të vendit, ku ka bërë vizituar disa qendra votimi.
Në Vlorë, ajo u ndesh me batutën e një komisioneri të koalicionit “bashkë Fitojmë”.
“Unë i përkas forcës politike ‘non grata’. A do ma jepni dorën”, iu drejtua ambasadores – kryetari i komisionit të votimit.
Ambasadorja e kaloi batutën pa përgjigje, ndërsa fill pas saj, e pyeti komisionerin për situatën.
Gjatë një proononcimi pë mediat, Kim tha se nuk duhet të ushtrohet presion mbi asnjë votues.
“Do të vizitoj edhe disa vende të tjera, kemi parë të gjitha situatat. Nuk duhet të ushtrohet presion mbi asnjë votues, është e rëndësishme që secili të ushtrojë të drejtë, asnjë s’duhet të shesë apo blejë votën. Është përgjegjësia e autoriteteve që t’i zbatojnë ligjet në mënyrë të barabartë”, tha Yuri Kim.
