Eduart Sharka, kandidati i koalicionit Bashke Fitojmë për bashkinë e Lushnjës, votoi mëngjesin e sotëm në qendrën 2881.
Pas votimit, ai u bëri apel qytetarëve të ushtrojnë të drejtën e votës.
“Ftoj qytetarët të marrin pjesë masivisht në zgjedhje, vota është mekanizmi më i mirë që të funksionojë mekanizmi demokratik”, tha ai.
Sharka foli dhe për problematika.
“Sot kam hasur në dy fenomene gjatë votimeve, funksionon aplikacioni Akt1visti dhe vëzhguesit që marrin informacione nga qendrat e votimit kush vjen dhe kush nuk vjen për të votuar. E dyta, në kundërshtim me Kodin Zgjedhor, grupet e socialistëve qëndrojnë më afër se 100 metër te qendrat e votimit. Këto i kemi denoncuar në KQZ”, tha ai.
