Nga takimi përmbyllës i fushatës elektorale që koalicion I opozitar “Bashkë Fitojmë” zhvilloi këtë të premte në Tiranë, Ilir Meta u shpreh se të dielën “Shqipëria ndahet nga regjimi monist i një kryeministri delikuent”.
Kreu i Partisë së Lirisë, u ndal gjatë tee curia e fushatës, duke i kujtuar kryeministrit Edi Rama se tentoi të sabotojë garën e “Primareve” në PD, por janë kandidatët e atij procesi si Belind Këlliçi, Luçiano Boçi dhe Igli Cara që do të vulosin fitoren e opozitës më 14 Maj.
Ai vijoi duke thënë se Rama u përpoq të rrotullonte fushatën rreth emrit të tij dhe atyre të Berishës dhe Metës, por fushata përfundoi me protagonizmin e kandidatëve të “BF” në Tiranë, Durrës e Elbasan.
“Berisha guxoi që në situatën më kritike të demokracisë në vend të realizonte Primaret. Ishte një proces i rrezikshëm kur e dimë se Rama ka investuar për përçarjen e opozitës. Ne kemi një avantazh të jashtëzakonshëm. Ai u përpoq ta rrotullonte fushatën me 3 emra dhe tani po përfundon me protagonizmin e 3 emrave të tjerë, Igli Cara në Durrës, Boçi në Elbasan dhe Belo në Tiranë. Kryeministri më i dështuar që ka qenë dhe basketbollist i dështuar. Tani do t’i bëjmë një trepikësh.
Gjeografia e fitores sonë do jetë e jashtëzakonshme. Jam krenar që kam njohur intelektualë me integritet si Admir Sinamati apo Ardit Cikuli. Rama ka vendosur të parën në Këshillin Bashkiak atë që nuk e njeh gjysma e grupit parlamentar të PS-së dhe që ka firmosur për mbi 1 miliardë euro nga taksat tona. Dëgjojmë VIP-a që marrin miliona për koncerte nga taksat, ndërsa KQZ kthen kopshtet në pika për votim sepse nuk ka shkolla në Astir. Sa i takon Ramës e falënderojmë për një shaka. Që ai do fitonte Shkodrën. Do të dhurojmë një palë dylbi në Surrel që të shikosh bashkinë e Tiranës dhe Durrësit. Sa u takon bashkive të tjera, shikoji nga satelitët që ke ngritur në qiell zotëri”, u shpreh ai.
“Shqipëria të ndahet nga një regjim monist ku një person kontrollon 60 gomerë përveç Shkodrës”, tha Meta duke iu referuar talljes publike që Edi Rama bëri në Kamëz me kryebashkiakun atje, Rakip Suli, duke e quajtur “gomar”.
“Kryeministri më i dështuar që ka qenë dhe basketbollist i dështuar. Tani do t’i bëjmë një trepikësh në Tiranë, Durrës dhe Elbasan Nuk e besoj që po mbaron kjo fushatë që më në fund të ndahet Shqipëria nga një regjim monist ku një person kontrollon 60 gomerë përveç Shkodrës tonë heroike dhe 100% të Këshillave Bashkiake. Edi Rama si një kryeministër për fat të keq delinkuent, u përpoq të devijonte llogaridhënien në këto 4 vite, të 60 gomerëve të tij siç i quan ai dhe ata e pranojnë, duke u përpjekur t’i politizojë zgjedhjet në ekstrem dhe duke vendosur në gjithë vendin billboarde me fytyrën e tij të qeshur dhe mua me doktorin pak të mërzitur”, tha Meta.
Më tej, kreu i PL u ndal te akuzat mbi abuzimet miliona euro me tenderat që ka mbi supe qeveria e “Rilindjes”, duke nënvizuar se mungesa e transparencës për paratë e taksapguesve është shtrirë nga Tiranë e kontrolluar prej Veliajt deri në skajin më të largët të territorit.
“Miliarda euro nga taksat e shqiptarëve që janë paguar për bashkitë e vendit dhe kanë përfunduar në xhepat e Edi Ramës dhe 60 gomerëve të tij. Në 4 vjet, janë miratuar mbi 1 miliardë euro nga buxheti i Tiranës nga një këshill monist. Nuk kemi parë një mbledhje të vetme të këshillit bashkiak ku diskutohet buxheti. Kjo errësirë ka funksionuar për Tiranën e 1 milionë banorëve, e dimë se çfarë ka ndodhur në qytetet e tjera. Erdhi koha që në 14 maj me thikë të lëmë pas monizmin dhe korrupsionin absolut të Ramës dhe 60 gomerëve të tij siç i quan ai”, u shpreh Meta.
