Ndonëse vetëm pak ditë para zgjedhjeve, kur Veliaj po promovon Tiranën e përsosur digjitale, kryeqyteti është kthyer në një gropë të madhe septike.
Në rrugën ‘Loni Ligori’ në Astir, kanë plasur ujërat duke përmbytur kështu rrugë e trotuare dhe duke bllokuar qarkullimin.
Interesant është fakti se këto ujëra kanë plasur pikërisht në rrugën ku kryebashkiaku është kujtuar të hedhë çakull gjatë kësaj fushate elektorale. Por duket se llogaritë i kanë dalë jashtë pritshmërive Lalit, pasi në videot e mëposhtme duket qartë gjendja mjerane.
Banorët kanë denoncuar rastin në redaksinë e Boldnews.al, teksa shprehen se kanë telefonuar në bashki, por askush nuk ju ka ardhur në ndihmë pasi siç duket administrata, UKT-ja dhe çdo punonjës tjetër në bashki, janë të zënë me mbylljen e fushatës dhe “dorën e fundit” të ziftit elektoral.
