Pas arrestimit të kandidatit të koalicionit “Bashkë Fitojmë”, Fredi Beleri për Himarën, ambasadorja e Greqisë në Shqipëri ka dorëzuar ankesë në Ministrinë e Jashtme.
Mësohet se ambasadorja greke ka shkuar në Ministrinë e Jashtme së Shqipërisë rreth orës 09:00, ku është pritur nga drejtori i MEPJ. Mësohet se nuk pritet të ketë një reagim nga MEPJ në lidhje me shoqërimin në Polici të kandidatit të Himarës, Fredi Beleri.
Në mënyrë të paprecedentë, kandidati i koalicionit “Bashkë Fitojmë” për Bashkinë e Himarës Fredi Bejleri është arrestuar nga policia, dy ditë para zgjedhjeve lokale.
Bejleri është pjesë e PBDNJ-së e drejtuar nga Vangjel Dule, i cili e quajti arrestimin e tij “rrëmbim” nga kryeministri Edi Rama. Ky i fundit ndërkohë ka ashpërsuar gjuhën së fundmi ndaj kandidatit të opozitës. Bejleri akuzohet për “Korrupsion aktiv në zgjedhje kryer në bashkëpunim”.
