Një aksident me vdekje është regjistruar pasditen e sotme në Lezhë.
Mësohet se një automjet që drejtohej nga një i mitur, vetëm 14 vjeç, ka përplasur një motoçikletë që drejtohej nga një 63-vjeçar.
Për pasojë, ka humbur jetën shtetasi Frrok Lika, ndërsa policia ka nisur hetimet. Ngjarja ka ndodhur në rrugën dytësore që lidh Lezhën me Rrilën, në fshatin Manati.
Njoftimi i policisë:
Lezhë/Informacion paraprak
Rreth orës 15:30, në rrugën dytësore që lidh fshatin Manati me Barbullojë e Re, shtetasi i mitur P. M. 14 vjeç, duke drejtuar një automjet, ka aksidentuar shtetasin F. L. 63 vjeç, i cili po lëvizte me motoçikletë.
Për pasojë ka humbur jetën drejtuesi i motoçikletës.
I mituri është shoqëruar në ambientet e policisë për kryerjen e veprimeve të mëtejshme procedurale bazuar procedurës standarte të punës dhe Kodit të Drejtësisë Penale për të Mitur.
Grupi hetimor vazhdon veprimet hetimore në vendin e ngjarjes për zbardhjen e plotë të rrethanave të aksidentit.
