Rruga Qukës-Qafë Plloç si definicion i premtimeve të pambajtura edhe pas tre mandateve në pushtet, u vendos në qendër të akuzave që Sali Berisha i drejtoi kryeministrit Edi Rama, sot nga takimi elektoral në Pogradec.
Duke theksuar se Rama është i tmerruar nga rezultëti që e pret në 14 Maj, Berisha tha se kryeministri ka vendosur në funksion të makinerisë elektorale edhe ministat duke i dërguar në zona të caktuara që të bëjnë presione mbi qytetarët.
“Sa për Ramën, nuk ka një tjetër kryeministër në Europë që i ka varfëruar qytetarët e tij si ai. 24 mln euro rruga në autostradë. Rruga Qafë Plloçë-Qukës, akoma pas 12 vitesh nuk ka përfunduar. Në Trebinjë segmentet nuk puqen, nuk ka ndodhur kurrë kjo. Por këta ndjekin kuotat e ndryshme, dhe shkurtimi i kohës që do të sillte rruga, e zgjatën për të vjedhur vetë. Për Edi Ramën qëllimet më madhore të qeverisjet e tij janë të vjedhë taksat e qytetarëve e të udhëtojë me avionë. Nuk ia ndjen fare nëse ka qytetar në varfëri e mjerim. Duhej t’i ngelej kafshata e udhëtimi në fyt nëse do të mendonte. Rama po dridhet, ministrat e tij janë dyndur në rrethe me presione”, tha Berisha.
Më tej, ai shprehu rezerva për gjuhën e përdorur nga kryeministri, i cili nuk i ka kursyer fyerjet në nivel personal ndaj liderëve dhe kandidatëve të opozitës në këtë fushatë elektorale.
Sa i përket kryebashkiakut të Pogradecit, Ilir Xhakolli, ai tha se duhet të merret i pandehur për punësimet nepotike në institcionet e varura prej bashkisë dhe vjedhjen e tenderave.
“Kalon nga sheshi në shesh me një fjalor të padenjë për një njeri të civilizuar. Ky vend nuk ka njohur kurrë ndonjëherë një përfaqësim më të shëmtuar të një force politike si kësaj radhe Rilindja me Ramën. Kandidatët e tyre pasi kanë vjedhur qytetarët refuzojnë ballafaqimin në mënyrë kategorike, sepse nëse dalin para jush do duhet të tregojnë xhepat e kontot që i kanë me paratë që ju kanë vjedhur ju.
Si mund të dalë kandidati i mazhorancës këtu përballë Zini Tollozhinës kur ka mbushur bashkinë me hajdutë dhe vjedhur edhe ndihma, kur merr shoferin e emëron drejtor të Ujësjellësit. Demokratë merrni portretin e tij dhe stamposeni me citimin “Ëanted”, kërkohet, në të katër anët e Pogradecit”, nënvizoi Berisha.
