Kreu i PL-së, Ilir Meta, është takuar ditën e sotme me delegacionin e këshillit të ambasadorëve amerikanë të kryesuar nga presidenti Timothy Chorba.
Përmes një postimi në rrjete sociale Meta shkruan se i ka siguruar ata se në 14 Maj në Shqipëri merr fund monizmi në pushtetin vendor, për t’i dhënë jetë ndryshimit të madh që do të ndalojë shpopullimin.
Më tej ai shton se partneriteti strategjik mes dy vendeve do të forcohet akoma më shumë të ardhmen.
“Kënaqësi e veçantë të takohesha sot në Tiranë me delegacionin e Këshillit të Ambasadorëve Amerikanë, të kryesuar nga presidenti i këtij Këshilli, Ambasadori Timothy Chorba.
I sigurova se në 14 Maj në Shqipëri merr fund monizmi në pushtetin vendor, për t’i dhënë jetë Ndryshimit të madh që do të ndalojë shpopullimin.
Vlerat dhe demokracia amerikane, inspirim për të luftuar çdo ditë autokracinë, duke dedikuar të gjitha energjitë për të shpëtuar dhe fuqizuar demokracinë shqiptare.
Partneriteti strategjik midis SHBA-ve dhe Shqipërisë është shumë i rëndësishëm për Partinë e Lirisë dhe do të forcohet edhe më shumë në të ardhmen”, shkruan Meta.
