“Socialistët me në krye të deleguarin politik të Qarkut Lezhë Ministrin e Drejtësisë Ulsi Manja, po kërcënojnë administratën në Kurbin për të votuar kandidaten e kësaj force politike në zgjedhjet vendore të 14-majit”.
Denoncimi është bërë nga Kryetari i Partisë Demokratike në Kurbin Gjovalin Laska, sipas të cilit po ju merren kartat e identitetit qytetarëve për t’i orientuar votën me 14-maj.
Në Bashkinë e Kurbinit janë në gërë Majlinda Cara e Partisë Socialiste, e cila kërkon një mandat të dytë në krye të kësaj njësie vendore dhe Bahar Haxhiu i kualicionit opozitar “Bashkë Fitojmë” të drejtuar nga Sali Berisha dhe Ilir Meta.
“Ministri i Drejtësisë ka sjellë të gjithë drejtorët dhe po i merr peng qytetarët e Kurbinit, duke i dërguar tek një lokal për t’u bërë presion çdo ditë. Gjithashtu, dua të bëj publike kanë filluar të mbledhin të gjitha kartat e punonjësve dhe familjarëve të tyre duke i mbajtur peng për ditën e zgjedhjeve që të votojnë sipas dëshirës së atyre dhe jo atë që duan qytetarët.
Edhe zyra arsimor po bën masakër, po thërret të gjithë mësuesit që t;i vendosë në rresht sepse është vegël e kryetares së bashkisë.
Kërkoj që Ministria e Rendit së bashku me Policinë e Shtetit në Kurbin po qarkullojnë automjete me armë. Mjafton të kenë siglën e PS dhe qarkullojnë me armë lirshëm. Iu mbushet makina me naftë nga paratë e qytetarëve të Kurbit.
Qytetarëve po u vidhet vota, duyhet të jeni të qetë dhe të merrni pjesë masivisht në qendrat e votimit dhe të votoni kundra Majlinda Carës dhe Ulsi Patates, do marrë të njëjtën përgjigje më 14 maj. Nuk mund të talleni me lekët e tërmetit”, tha ai për mediat.
