Një shpërthim ka ndodhur orët e para të mëngjesit, në afërsi të stacionit të Policisë së Kosovës në veri.
Lajmin e ka bërë me dije zëdhënësi i policisë për rajonin e veriut, Veton Elshani, duke njoftuar se ngjarja ka ndodhur rreth orës 3:00 të mëngjesit.
Elshani ka thënë se nga ky shpërthim është dëmtuar një veturë dhe një shtyllë elektrike.
“Po, rreth orës 03:00 ka ndodhur një shpërthim. Si pasojë është dëmtuar një veturë dhe një shtyllë elektrike. Policia është duke e trajtuar rastin si ‘shkaktim i rrezikut të përgjithshëm”, ka thënë ai.
