Mediat italianë kanë zbuluar identitetin e vajzës shqiptare, e cila u vra me armë zjarri nga ish i dashuri i saj, në orën 02:00 pas mesnate në qytetin e Savonas.
Mësohet se viktima 28-vjeçare quhet Danjela Neza. Ndërkohë ish-partneri i saj është identifikuar si Safayou Sow, me origjinë nga Guinea, por që jetonte prej vitesh në Itali.
Dyshja janë konfliktuar pasi Neza donte të ndahej nga 27-vjeçari. Në sherr e sipër, rreth Safayou e qëlloi Danjelën me plumb në kokë dhe e reja ra e vdekur në tokë.
Pas vrasjes, ai ka telefonuar policinë dhe është vetëdorëzuar, duke pohuar se shkak ka qenë fundi i lidhjes së tyre.
Mediat vendase shkruajnë se shqiptarja jetonte prej vitesh në Itali dhe punonte në sektorin e kateringut, ndërsa autori ishte me rekorde të pastra.
Safayou Sow u dërgua në stacionin e policisë dhe u mor në pyetje. Ai kishte një leje qëndrimi të rregullt dhe punon prej disa vitesh si ndihmës kuzhinier në një restorant në Savona.
I riu nuk ka precedentë penalë dhe përballë policëve u mbrojt duke thënë se e kishte humbur ‘durimin’ pasi ajo e kishte fyer.
Sakaq, rezulton se Neza ka pasur precedentë të mëparshëm kriminal, për krime ndaj pronës dhe tregtim droge gjatë vitit 2022.
Trupi i pajetë i vajzës i është besuar organit gjyqësor për autopsi, por vijojnë analizat teknike për armën e përdorur.
Ndërkohë, babai i 28-vjeçares së ndjerë përmes një postimi në Facebook, ka njoftuar të afërmit dhe dashamirësit për lajmin e hidhur të ndajres nga jeta të së bijës.
“Te dashur miq, shoke e dashamires sot u nda nga jeta vajza ime Danjela Neza ,28 vjece. Bija ime shpirti yt qofte i xhenetit Duke qene se ndodhet ne Itali nuk e dime sa mund te vonoje dhe si rrjedhoje nuk mund tju leme nje date varrimi”, shkruan ai.
LEXO EDHE:
