E ftuar sonte në “Më lër të flas”, Tea Trifoni ka bërë një deklaratë shokuese. Ajo pretendon se Kiara dhe kunati i saj, i cili është punonjës ministrie, e kanë kërcënuar me jetë te dera e Top Channel.
Tea ka shtuar se kjo është arsyeja pse produksioni nuk e ftoi Kiarën në një prej prime-ve dhe se moderatorja është shumë ndryshe jashtë kamerave.
“Te dera e Topit më kanë kërcënuar, Kiara me kunatin e saj, familjarin, më tha do të të vras je kështu je ashtu, është punonjës ministrie ai tjetri. Më thanë që është burri i tezes së saj. I thashë thjesht që hajde, por ai iku.
Njerëzit janë shumë ndryshe mbrapa skene, Kiara nuk thotë asgjë para kamerave, por kur fiken çfarë nuk thotë, shan etj. Kam folur me prduksionin, me Kiarën jo, ajo nuk u ftua në një prime prej kësaj gjëje. Më thanë bëje publike“, ka thënë Tea.
Më tej Tea shtoi se të njëjtët persona kanë kërcënuar edhe opinionisten Zhaklin Lekatari. Tea zbuloi madje se Zhaklina ka marrë badigardin e Top Channel ta shoqërojë për në makinë pas kërcënimeve të familjarëve të Kiarës.
Tea konfirmon se në momentin kur e kanë kërcënuar ka patur edhe persona të tjerë prezent që e kanë dëgjuar të gjithën.