Dy persona janë plagosur me thikë në Korçë pasditen e kësaj të premteje. Raportohet se të lënduarit ndodhen jashtë rrezikut për jetën, ndërsa autori është arrestuar.
“Rreth orës 17:40, në lagjen nr. 14, J. G., 17 vjeç, gjatë një konflikti, dyshohet se ka dëmtuar me mjet prerës (thikë) shtetasit K. K. dhe M. I., të cilët aktualisht ndodhen në spitalin e Korçës, jashtë rrezikut për jetën”, njoftoi policia.
“Shërbimet e Policisë bënë të mundur kapjen dhe shoqërimin në ambientet e Komisariatit të Policisë Korçë, të autorit të dyshuar të ngjarjes, shtetasit J. G., ndaj të cilit po kryhen veprimet e mëtejshme procedurale. Grupi hetimor po punon për sqarimin e plotë të rrethanave të ngjarjes”, shtuan të njëjtat burime.
