Klevis Balliu komentoi fushatën elektorale të 14 majit. Gjatë bisedës në studio, Balliu akuzoi kryebashkiakun e Kamzës, Rakip Suli se ka grabitur paratë e qytetarëve.
“Ka një pritje të jashtëzakonshme nga ana e qytetarëve. Këta dalin dhe ju prezantoj gomarin tim për Kamzën, dhe mendojnë se qytetarët do të votojnë gomarin e tyre. Personalisht mendoj që këta i bien në qafë edhe gomarit sepse gomari të paktën nuk vjedh. Ne mendojmë që qytetarët janë të nderuar dhe dinë të zgjedhin mes gomarit në Kamëz dhe doktorit Arjan Hoxha. Ne nuk duam të kemi gomarë në krye të bashkisë”, tha Balliu.
Balliu nuk u kursye as ndaj SPAK, duke theksuar se pavarësisht grabitjeve që i janë bërë qytetarëve nga kryebashkiaku i Kamzës, nuk ka pasur asnjë reagim.
“SPAK rri si mamuth dhe nuk i merr në hetim pasi janë në shkelje të ligjit pasi shkojnë dhe shtrojnë rrugë pa asnjë kanalizim dhe pastaj kemi përmbytje të lagjeve. Është absurd se si nuk ka një reagim për këtë çështje. Rrugicat apo rrugët i kanë lënë për ditën e zgjedhjeve. Rakip Suli ka thyer rekord, ai ka 34 tendera me flamur të kuq. I ka përdorur Rakip Suli për të vjedhur paratë e qytetarëve siç është favorizimi i kompanive të caktuar që i ka miq Rakip Suli, bashkë me Edi Ramës. Siç është rasti i Qefaliaj, vëllai i Qefaliaj merr tendera tek Rakipi. 9 mln euro ia japin kompanive mike. Habitem me SPAK që kur bëhet një denoncim. Rakip Suli kandidat, gomari i Edi Ramës kandidat, duhet të jetë në burg”, ka thënë Klevis Balliu, duke shtuar: “Ai detyron punonjëset e veta të firmosin tendera, nuk i firmos vetë. Nëse mendon se do të fshihet pas fustaneve të administratës e ka shumë gabim”, tha Balliu per News24.
