Kryetari i PD-së, Sali u shpreh i bindur se opozita do të triumfojë në zgjedhjet lokale që zhvillohen më 14 maj.
I pyetur në një emisionin televiziv mbrëmjen e sotme se çfarë ndodh nëse opozita humb zgjedhjet, Berisha u përgjigj se në rast se PD do të humbiste zgjedhjet në kushtet e një procesi transparent, do pranonte rezultatin pa asnjë lloj komenti. “Por në rast se Edi Rama çon këtë vepër kriminale gjer në fund, në mënyrë absolute demokratët s’do ja falin kurrë! Do mbrojmë votën ne s’ka diskutim”, shtoi.
“Që nga dhjetori i vitit 2021 është bërë një përpjekje e jashtëzakonshme që kjo parti në një mënyrë ose një tjetër të nënshtrohet ose të thyejë qafën. Unë në atë kohë kam dalë me një tezë treni ynë s’ndalet kurrë. Nuk ndalet”, tha.
Dhe nëse humbni?
Berisha: Unë kam faktuar, kur kam humbur në zgjedhje kam thënë mirupafshim. Këto që bën Rama s’janë bërë kurrë as në ‘91.
Duket pak si alibi
Berisha: Jo s’është alibi, si qenka alibi, ti heq komisionerët, s’kanë ndodh kurrë këto. Këto akte kishin një qëllim, të ndalojnë trenin, po treni nuk ndalet. Duke pasur Edi Ramën në krye të kapur nga të gjitha anët ky vend ka qenë nën ndikime nga më të perceptueshme. S’jemi për të analizuar këtë zhvillim. Por them se treni – opozita shqiptare s’ndalet.
Ju do e drejtoni?
Berisha: Për sa kohë ata do më votojnë mua, statuti do zbatohet.
Do rivotoheni?
Statuti do zbatohet pikë më pikë. Ju i injoroni arritjet e opozitës por opozita ka arritur në mënyrë të pamohueshme.
E ka PD fuqinë të prodhojë një lider të ri?
Berisha: Lideri formohet në drejtim e sipër dhe ai që e çon në fitore opozitën ai faktohet që është lider. Po se çoi në fitore duhet të largohet. S’ka në botë që lideri lë një lider. Po të ishte për trashëgimi ja kisha lënë djalit ose vajzës, por nuk e bëj, pikë.
