Më 11 prill 2023 nisi operimin Bursa Shqiptare e Energjisë “ALPEX”, përmes ankandit të parë të tregut të ditës në avancë, duke realizuar sipas ministers së Energjisë dhe Infrastrukturës, Belinda Balluku, një nga përparësitë e qeverisë për këtë sektor.
ALPEX është bursa e dytë operacionale në gjashtë vendet e Ballkanit Perëndimor dhe deri më tani i ka kushtuar shtteti shqiptar 4.4 milionë euro investime.
Sipas shpjegimeve të qeverisë, platforma do të lejonte çmime për 24 orë të ditënatës dhe supozohej të ulte ndjeshëm kostot e sigurimit të energjisë nga ana e bizneseve prodhuese, si dhe kohën që u duhet për të gjetur shitës të energjisë jashtë kufijve të vendit.
Por duket se nuk mendon njëjtë Koorporata Elktroenergjitike Shqiptare (KESH) me drejtor Ergys Verdho, që përveç tenderave abuziv, në 4 muajt e parë të vitit ka shitur energji me çmime 4-5 herë më të ulëta sesa e ka blerë gjatë dimrit.
Edhe pse “ALPEX” tashmë është funksionale, KESH-i sipas ekspertit të energjisë Azmer Duleviç ka nxjerrë një shpallje për shitje energjie për datat 2 deri 5 Maj, por duke shmangur bursën e Ballukut.
Sipas tabelave të publikuara prej tij në katër lote do të shiten deri në 47.200 ,MWh energji nga KESH me çmimin më të lartë që nuk i kalon 68.51 €/MWh.
Eksperti e cilëson këtë vendim të KESH si dështim të bursës së shumë përfolur të energjisë dhe ngre dyshime se shitja në këtë mënyrë e energjisë dhe me çmim qesharak në muajt e pranverës, mund të lidhet me nevojën për fonde të socialistëve për t’i shpenzuar në fushatën elektorale për garën e 14 Majit.
“Mos vallë ka lidhje me grumbullim fondesh për fushatën? Zv.ministra dhe drejtorë që nuk japin dot një intervistë pa lejen e Ballukut, nuk i hyjnë në punë as dreqit. Do habiteni po ta dini sa zv. ministra energjie janë në qarkullim që as emrat nuk ja di njeri”, shkruan Duleviç duke ngritur pikëpyetje të shumta për operacionet e KESH jashtë bursës.
Ky nuk është rasti i patrë kur Duleviç nxjerr në pah skandalet e Koorporatës Elektronergjitike, pasi në fund të janarit, pak pasi Shqipëria kishte hedhur pas krahëve krizën energjitike dhe Kaskada e Drinit ishte fryrë nga keqmenaxhimi e rrezikonte përmbytjen e Nënshkodrës dhe Lezhës, ai zbuloi se KESH-i shiti energji me çmim gjashtë herë më poshtë sesa çmimi në bursë.
Kur në bursën hungareze çmimi varionte nga 169.63 €/MWH deri në 190.88 €/MWH, KESH-i shiste energji me 25 €/MWh në periudhën 27-29 janar, teksa vetëm pak javë më parë e kishte blerë edhe me shifrën rekord 400 €/MWh.
Reagimi i plotë:
Dështimi i bursës ALPEX❗
(4.4 mln € ka kushtuar deri tani)
KESH ka nxjerrë një shpallje për shitje energjie për datat 02 deri në 05 Maj 2023.
Të ndarë në 4 lote konkretisht në ⤵️
Lot 1 19200 MWh
Lot 2 9600 MWh
Lot 3 6800 MWh
Lot 4 7200 MWh
Pse kjo energji nuk po tregtohet në Bursë meqënëse e kemi funksionale⁉️
Mos vallë ka lidhje me grumbullim fondesh për fushatën?
Pse nuk flet opozita për këtë gjë? Mos vallë nuk e di? Mos vallë është e paaftë në burime njerëzore? Apo mos vallë merr pjesën e saj⁉️
E dini me çfarë çmimi po e shesin energjinë?
Lot 1. 68.51 €/MWh
Lot 2. 64.29 €/MWh
Lot 3. 64.13 €/MWh
*Po ti referohemi bursës hungareze për datat 02-05 Maj nuk kemi të dhëna!*
E kam thënë dhe e them përsëri zv.ministra dhe drejtora që nuk japin dot një intervistë pa lejen e Ballukut nuk i hyjnë në punë as dreqit. Do habiteni po ta dini sa zv. ministra energjie janë në qarkullim që as emrat nuk ja di njeri.
