I ftuar në Top Story, kandidati i koalicionit “Bashkë Fitojmë” për Bashkinë e Durrësit, Igli Cara foli për mënyrën sesi do të drejtoj qytetin se për vendimet e tij nuk do të ndikohet nga askush.
Cara tha se ka qenë dhe është kundër ndërtimit të Portit të Durrësit sipas projektit të ri. Ndërkohë më tej shtoi se ka pas gjithmon qëndrimin kundër dhe se nuk do që të jetë një Durrës si Dubai.
“Jam për një Port Marinë, por jo për një projekt ku ne humbim 3 milion euro, dhe nuk kemi të bëjmë me investime të atij tipi për të cilin flitet. Edhe porti i ri bëhet me paratë e shqiptarëve sepse është marrë kredi. Për herë të parë Durrësi po trajtohet si një qytet turistik, por çfarë përfitojmë ne?”, tha Cara.
Igli Cara kandidati i koalicionit “Bashkë Fitojmë” foli edhe për mbetjet. Për vitin 2022 kemi një faturë 80 miliard lekë.
Në 2010 Dako firmosi një ndarje të mbetjeve që në burim, por nuk është bërë. Nuk jam nihilist dhe pranojë që është gjetur një zgjidhje për të çuar plehrat diku. Sako tashmë ka marrë tezën time që e kam thënë me herët për largimin e plehrave. Por ne duhet të bëjmë ndarjen e plehrave dhe kjo do të bëjë të mundur uljen e sasisë së peshës që do të çojmë në Sharrë”, tha Cara.
Sipas specialistëve, tha Cara, bëhet fjalë për 80% të fitimit dhe në vlerë 5-6 milionë euro. Cara tha se kjo do të bëhet me administrim.
