Kreu i Partisë Demokratike, Sali Berisha ka folur për fushatën elektorale të koalicionit “Bashkë Fitojmë” dhe përballjet publike. I vendosur përballë ftesës së kryebashkiakut aktual të Tiranës, Erion Veliaj për debat në emisionin “Të Paekspozuarit”, Sali Berisha tha se në fakt socialisti duhet që ta falenderojë atë. Megjithatë nuk ka dhënë një përgjigje të qartë nëse e pranon apo jo ftesën.
Pjesë nga biseda:
Ylli Rakipi: Veliaj sapo ju ka ftuar në debat publik. Ju si i përgjigjeni?
Sali Berisha: Ai të më falenderojë mua sepse e nxorri Rama më në fund sepse i’a zhduku figurën fare. Nuk ka ndodhur kurrë që mos të jetë kandidati në billbordet e qytetit. Turpërohet nga fytyra e tij sepse del keq ne polle. Rama thotë gjithmonë ato që nuk beson vetë, por i ka hyrë lepuri thellë në bark. Rama e di që këto zgjedhje janë stacioni i fundit i tij.
Ylli Rakipi: Me Veliajn e pranon debatin?
Sali Berisha: Ai ka kompleksin e Ramës dhe këtë e përdor. Zhvillohet një proces midis tyre. Ai e nxorri Velinë sot pas sulmeve që i bëra unë. Ka kompleks. Ai e di, që po ikën.
