Dy burra, të moshës 72 dhe 81 vjeç, vdiqën mesditën e së enjtes pasi u përplasën nga një automjet me shpejtësi në një rrugë të Madridit, ndërsa shoferi u përpoq të ikte nga vendngjarja, thanë burimet e policisë dhe shërbimeve të urgjencës në El Pais.
Ngjarja ka shkaktuar edhe pesë lëndime të lehta. Dy personat e vdekur ishin në dy pjesë të ndryshme të trotuarit, ndërsa hetuesit kanë përjashtuar mundësinë e një motivi terrorist. Policia konfirmoi se në makinë ndodheshin tre persona, dy prej të cilëve janë arrestuar, ndërsa i treti është arratisur.
Policia ndaloi mjetin për kontroll, por drejtuesi i mjetit u largua me shpejtësi. Automjeti hyri në Madrid përmes Paseo de Extremadura, ku ndodhi aksidenti pasi theu semaforët dhe ju sul këmbësorëve.
Një dëshmitar vuri në dukje se makina iu shmang disa automjeteve në rrugën kryesore të lagjes Paseo de Extremadura përpara se të godiste ,viktimat. “Po vinte me një shpejtësi të jashtëzakonshme,” tha një grua.
Trafiku në rrugën kryesore të Paseo de Extremadura, ku ndodhi aksidenti, është bllokuar përkohësisht nga policia.
