Teuta do të luajë një “finale” të parakohshme për mbijetesën, teksa do të udhëtojë në “Kukës Arena” për të sfiduar djemtë e Rrahman Hallaçit.
Një sfidë ku durrsakët do të synojnë të marrin 3 pikët për t’u larguar sa më shumë nga zona e ftohtë, por që nuk do të jetë aspak e lehtë për ta.
Në këtë duel Edi Martini nuk do të mund të llogaritë shërbimet e Lorenc Vilës dhe Davide Gjinollari. Sulmuesi është një nga lojtarët e momentit në Durrës dhe mungesa e tij ka bërë me “dhimbje kokë” trajnerin shkodran.
Të dy lojtarët kanë plotësuar numrin 4 të kartonëve të vërdhe dhe nuk do të luajnë dot në “Kukës Arena” në “finalen” e mbijetesës.
