Tirana ka dominuar ndeshjen e parë gjysmëfinale të Kupës së Shqipërisë përballë Teutës në Elbasan, duke triumfuar me rezultatin 3-0.
Pjesa e parë ishte e fjetur, por u ndez vetëm në fund me një gol të shënuar nga Hasani. Në pjesën e dytë bardheblutë ishin më kërkues të cilët gjetën rrjetën dhe dy herë të tjera me Lulajn dhe Lushkjan.
Nga ana tjetër reagimi i durrsakëve ishte i dobët me shumë pak raste të provuara, duke mos e vënë aspak në vështirësi portierin Bekaj.
Kështu Tirana hedh një hap të sigurt drejt finales së Kupës, ndërsa Teuta duhet të shpresojë te një përmbysje në ndeshjen e kthimit në “Niko Dovana”.
Sfida tjetër, Egnatia-Vllaznia u mbyll me rezultatin 1-1.
Goli i parë i sfidës erdhi në minutën e 69’-të të sfidës, nga ganezi Raphael Dwamema, ndërsa shkodranët barazuan në “frymën e fundit” të lojës pas një aksioni të bukur ekipor të finalizuar në minutën e 96′-të të sfidës.
Tashmë gjithçka do të vendoset në ndeshjet e kthimit, ndeshje këto që do të zhvillohen pasditen e 11 majit.
